Feisbuk Pe Kerja
[Iswan Sual]
ni so bukang malam lei
matahari smo ampe rkaluar e
mar mata blum suka tatutu
panta masi suka dudu
jarejare manari trus di atas tuts
dapa rasa masi fruk
tape mata ternyata nyanda "wuruk"
sadiki le ayang smo bakuku
ini samua karna feisbuk
sorupa orang sibuk
lupa isi akang tu puru
saki mag ka ruma saki mo rujuk
mo brenti mar tagantong
pe banyak balaik deng komen
jadi narsis
tatawa sandiri korang sama iblis
woi sadar woi
jang nya tasisa di popoji doi
bis itu baminta ki'i
nyanda malu ngoni?
Makassar, Senin amper siang, 17 September 2012
Tidak ada komentar:
Posting Komentar