APA GUNA

Percuma kita skola

Kalu ngoni nda kase tampa

Tampa praktek  ilmu

Yang stenga mati kita cari deri dulu

                Apa guna blajar sampe basuar milu

                Kalu yang banya doi

                Yang sua ngoni

                Yang beking pica puru

                Yang jadi ngoni pe guru

Percuma so percuma

Kalu Cuma sampe di mulu

Serta so kanyang

Hati taiko ilang

                Apa guna bicarabicara

                Kalu skarang badiang

                Apa guna bataria

                Lia doi lida jadi ikang garang

                Mata tabuka mar nda balia

                Badan tabla dua

                Ini hari bicara tre

                Sbantar so tasewe

3 April 2013

15J Y n - �� ح� ookman Old Style","serif"'>          Nyanda puas

          Sampe mata baaeraer

          Sampe depe ongkos amper nda dapa bayar

Ni kos pe sunyi mampos

Deripada men, lebe bae ambe polpen

Ambe kertas kong mulai batulis

Apa jo, yang penting pulang ongkos

          Rekengrekeng, ini nanti jadi warisan

          For anak cucu

          Spaya dorang lei tau

          Torang ini tou Nga’asan

Ha! Napa tre so ujang

Langit le iko bablits

So remembok

Tutu talinga jang pongo

          Seng bataria goros

          Mata so suka tidor

          Masi fruk

          Mar, bage jo!

Tahuna, 1 November 2012